Компанијата Blue Origin минатиот викенд испрати трет екипаж на патување во вселената.
Шестчлениот екипаж во кој беше и најстарата ќерка на Алан Шепард, првиот Американец во вселената, отпатува во вселената со ракетата New Shepard.
Лансирањето беше во Тексас, а целиот лет траеше околу 10 минути, вклучително и враќањето на Земјата.
Со новата капсула поставена на врвот на ракетата екипажот се искачи на висина поголема од 100 километри. Откако неколку минути искусија бестежинска состојба, членовите на екипажот се вратија на Земјата и слетаа во пустина во Тексас. Самата ракета се врати на рампата во исправена состојба.
За првпат во вселената летаа татко и син, станува збор за Лејн Бес, основач на компанијата Bess Ventures and Advisory, кој на патувањето го поведе и синот Камерон.
Претходно, Blue Origin испрати четиричлен екипаж меѓу кој беше и актерот Вилијам Шатнер.
