Шпанскиот кошаркарски клуб Баскет Сарагоса го официјализираше потписот на поранешниот македонски репрезентативец, Бо Меккејлеб.
Ова е втора сезона по ред во која натурализираниот македонец ќе настапува во шпанската лига, откако во минатата сезона беше член на Гран Канарија.
Бо Меккејлеб беше дел од најуспешната генерација на македонската кошаркарска репрезентација, која го освои четвртото место на Европското првенство во Литванија во 2011 година. Тој тогаш беше избран и како дел од најдобриот тим на Евробаскетот.
Оттогаш Меккејлеб не можеше да си најде тим во кој совршено се вклопуваше, па имаше повеќе кратки авантури низ неколку европски лиги.
