Бразилската морнарица денеска соопшти дека запленила 3,6 метрички тони кокаин на брод во близина на брегот на североисточната сојузна држава Пернамбуко, во најголемата поединечна поморска заплена на дрога во Бразил.
Во соопштението, морнарицата соопшти дека заробила мал моторен чамец што се користел за транспорт на луѓе и товар долж брегот, со пет членови на екипажот, кој се движел кон Африка. Бродот бил довлечен во пристаништниот град Ресифе.
Заплената уследи по серијата поморски операции за борба против трговијата со дрога на брегот на земјата.
Според морнарицата, од 2020 година запленети се повеќе од 17 тони кокаин, 4,3 тони хашиш, 695 тони цигари, 113,34 тони риба, 14 тони марихуана и 3.146 кубни метри дрва.
