Македонски интернационалци викендов постигнаа четири голови и забележаа три асистенции. Алиоски погоди и асистираше, Спировски, Ристовски и Ејупи ги тресеа противничките мрежи, а Николов и Јакимовски помагаа.
Англија
Езџан Алиоски погоди и асистираше во убедливата победа на Лидс на гости кај Стоук. Во 50-тата минута популарниот Џани зголеми на 2:0, а во 66-тата со помош на стативата му асистираше на Бамфорд за конелчни 3:0.
(на 1:08 голот, на 1:24 асистенцијата)
Италија
Никола Јакимовски забележа асистенција во гостинскиот пораз на неговиот Трапани од Асколи, во натпревар од Серија Би. Во 64-тата минута Јакимовски одлично му сервираше на Ферети кој израмни на 1:1, но потоа домаќинот даде два гола за победа.
(на 0:41)
Видеото можете да го погледнете тука.
Словачка
Милан Ристовски во 38-мата ѝ донесе водство на Нитра во дуелот против Дунајска Стреда, но на крајот се радуваа гостите откако направија пресврт и славеа со 2:1
(на 1:40)
Унгарија
Стефан Спировски се врати на зелениот терен по долгата пауза поради повредата заработена уште во ноември лани. И какво враќање имаше! Во 13-тата минута со одличен лоб го отвори резултатот носејќи му водство на Ференцварош кој сепак на крајот замина со убедлив пораз од 4:1 од гостувањето кај Пушкаш Академија.
(на почеток)
Унгарија
Бобан Николов запиша асистенција при првиот гол за Фехервар во победата од 2:0 на гости кај Пакш.
(на 1:40)
Хрватска
Музафер Ејупи го постигна водечкиот гол за Славен Белупо против Вараждин. Тоа сепак не беше доволно за триумф бидејќи гостите покасно израмнија.
(на 1:47)