Плејбој ѕвездата Даниела Чавес тврди дека собрала 7,7 милиони евра обидувајќи се да го купи чилеанскиот фудбалски клуб О'Хигинс.
35-годишната Даниела отвори профил на OnlyFans пред само две недели и јасно стави до знаење дека тоа го прави за да го финансира купувањето на тимот со седиште во нејзиниот роден град Ранкагуа.
Сега, само две недели подоцна, таа рече дека веќе собрала речиси 8 милиони евра.
И додека ќе ѝ требаат уште најмалку 12 милиони евра за да има шанса да го преземе О'Хигинс, кој моментално е во сопственост на бизнисменот Рикардо Абумохор, брзата стапка со која таа ги обезбедува парите е прилично неверојатна.
„Собрав 8 милиони долари (7,7 милиони евра)... Денеска гледам во вестите дека челниците на О'Хигинс не сакаат да ми го продадат клубот“, напиша таа на Twitter минатата недела.
Таа потоа продолжи да го таргетира Абумохор.
„Рикардо Абумохор го стави клубот на продажба и сега кога сакам да го купам, ми велат не! Мислев дека овој човек е посериозен и сигурна сум дека можам да направам многу повеќе за клубот од него... Јас сум од овој регион, јас сум навивачка, а тој не е! Наводно, Абумохор сака да го продаде клубот освен ако некоја жена не сака да го купи“, додаде таа.
Сопствениците на О'Хигинс беа принудени да дадат изјава откако Даниела ги обвини за сексизам.
О'Хигинс е формиран во 1955 година откако два локални клуба направиле фузија благодарение на прославениот Карлос Дитборн, кој тогаш бил претседател на Централната фудбалска асоцијација, а подоцна станал и претседател на КОНМЕБОЛ и важи за најслужен што Чиле беше домаќин на Мундијалот во 1962 година. Токму на иницијатива на Дитборн клубот го добил името О'Хигинс во чест на Бернардо О'Хигинс, еден од освоначите на Чиле кој учествувал во ослободувањето од шпанската колонијална власт.
Клубот има само една титула шампион на Чиле и тоа од 2014 година, како и една титула од Суперкупот, освоена истата година.