Коронавирусот го промени туризмот ширум светот, но нема никакво влијание над еден хотел во Северна Кореја, којшто со децении претставува мистерија.
Станува збор за хотелот Рјугјонг што се наоѓа во Пјонгјанг и има дури 150 ката. Во последните три децении овој хотел не прима гости.
Изградбата е започната од 1987 година, кога со земјата владееше Ким Ил Сунг. Но, до денешен ден, хотелот не е завршен. Препознатлив е по неговиот пирамидален облик.
Во Гинисовата книга за рекорди е запишан како највисока зграда во светот во која никој не живее.
Властите во Северна Кореја одлучија да го изградат овој хотел за да ја докажат нивната супериорност во однос на Јужна Кореја, кои пред Олимписките игри во Сеул, 1988 година одлучија да изградат облакодер од 63 ката.
Тогаш беше во план во главниот град на Северна Кореја да има нов хотел со 3.000 соби, 5 ресторани и тоа на врвот на зградата. Изградбата е запрена во 1991 година по распадот на Советскиот Сојуз, кога земјата минува низ голема економска криза.
Постои информација дека завршувањето на изградбата би чинело околу 2 милијарди долари, што е 10% од севернокорејскиот бруто домашен производ.
Од 2018 година хотелот служи како голем екран на кој се емитуваат државни пропагандни пораки.
