Тешко е да се замисли животот денес без мобилни телефони, но како би изгледало тоа на 24 часа?
Компанијата Reviews е подготвена да им плати на доброволци кои ќе се приклучат на нејзиниот „Предизвик за дигитална детоксикација“ (Digital Detox Challenge). На среќните учесници ќе им бидат платени 2.400 американски долари за да бидат 24 часа без технологија.
Оние кои ќе се пријават ќе добијат одредено место, како сеф, каде ќе можат да ја остават целата своја технологија 24 часа, да го изберат денот што најмногу им одговара во текот на неделата, за да го започнат својот предизвик без екрани.
Технологијата што не е дозволена вклучува телефони, таблети, паметни часовници, телевизори, конзоли, компјутери, лаптопи или други паметни уреди во куќата.
На крајот од предизвикот, учесниците ќе ги приложат нивните screen time извештаи од телефонот за да докажат дека не ги користеле цел еден ден. Овие предизвици се случуваат во Америка и Австралија и во нив може да учествува секој над 18 години, а може да се пријави секој кој се чувствува уморно од работа, бесмисленото скролање на интернет, гледање серии до недоглед или играње видео игри без прекин.
