Во морето од понуди на нови телефони, често имаме дилеми што да избереме. Бројките ја решаваат оваа дилема.
Најновите анализи на бројни компании покажуваат дека користените телефони со Android заостануваат далеку зад мобилните телефони на Apple.
Ајфонот дефинитивно губи најмалку вредност со текот на времето. Најпознатите и користени Android телефони губат 80 отсто од својата вредност откако ќе се појават на пазарот.
Извештаите покажуваат колкава е разликата помеѓу производите на Apple и останатата конкуренција.
iPhone 12, iPhone 13 и iPhone 14 најмногу задржуваат на вредност од сите телефони лансирани во изминатите три години.
Првото место го зазема iPhone 13 Pro Max, кој е на пазарот веќе 16 месеции и изгуби само 38% од првобитната цена.
Во 2020 година, Apple го претстави iPhone 12, кој изгуби 57% од својата вредност со текот на времето. За споредба, моделот Samsung Galaxy S20, лансиран истата година на пазарот, изгуби 85 проценти од вредноста.
Помеѓу уредите со Android, меѓу оние со најголем пад на вредноста се поновите свитливи Galaxy Z Flip3, а по нив се премиум Galaxy Note 20 Ultra и Pixel 6 Pro.
Најдобро котира минатогодишниот Galaxy S22 Ultra, чија вредност е намалена за 58,2 отсто.
Во продолжение, погледнете ја топ 7 листата која најдобро покажува кој телефон колку губи од вредноста откако ќе го отпакувате:
* iPhone 14 Pro Max (26,9%)
* iPhone 13 Pro Max (38%)
* iPhone 12 Pro (55,5%)
* Samsung S22 Ultra (58,2%)
* Google Pixel 6 (67,4%)
* Samsung Z Flip3 (76,1%)
* Samsung Galaxy S20 (85%)
Ако размислувате да го продадете телефонот како половен откако ќе го користите некое време, судејќи по статистиките, се чини дека iPhone моделите се подобар избор.
