Британското кралско семејство отсекогаш било во центарот на вниманието кога се во прашање семејните и љубовните врски.
Британското кралско семејство во моментов минува низ тежок период - и кралот Чарлс и принцезата Кејт Мидлтон се лекуваат од рак.
Голема улога моментално има и сопругата на кралицата Камила, која има одредени обврски додека кралот закрепнува, а нејзиниот контроверзен пат до престолот не можеше да помине незабележано.
Многумина беа загрижени за триаголникот Дијана-Чарлс-Камила, а самата Лејди Ди често во своите интервјуа откриваше детали од тешкиот живот со тогашниот принц од Велс. Самиот Чарлс не се трудел многу да ја сокрие својата паралелна врска, а после и се ожени со Камила.
Покрај бројните кралски биографи, со судбината на Камила се занимавале и астролозите, па личниот астролог на принцезата Дијана, Деби Френк, тврди дека Камила е подготвена за големите промени кои ја очекуваат.
„Наталната карта на Камила зборува за ‘моќта зад престолот’. Нејзе ѝ одговараше да биде зад сцената сите овие години бидејќи е многу приватна личност. Она што се промени е фактот дека нејзината моќ станува многу видлива, но таа секогаш ќе се обидува да го задржи нејзиниот живот приватен, останувајќи во својот дом каде што може да се сокрие од јавноста“, рече Деби.
Пред две години друг астролог за британските медиуми тврдеше дека Камила мора да ја стигне кармата за сè што направи.
„Кога велам карма, мислам дека тоа што им го направи на другите ќе ѝ се врати на некој начин. Во текот на 2023 година, на Камила двапати ѝ се врати кармата за два периоди од нејзиниот живот - периодот од декември 2004 до јуни 2006 година и периодот од април 1986 до ноември 1987 година“.
Ако се потсетиме, во 1986 година Камила имаше афера со Чарлс, кој во тоа време беше во брак со принцезата Дијана, па нема многу шпекулации на што точно се однесува таа карма.
