Ви се допаѓа тоа или не, попладнево во 16 часот и 59 минути Европа официјално ќе влезе во зимата, иако метеролошки за сите нас зимата почнува уште од 1 декември.
Денеска е краткоденица, односно деноноќието во годината кога денот е најкраток, а ноќта најдолга. Краткоденицата секогаш го означува и преодот на годишните времиња од есен кон зима на северната Земјина полутопка, односно од пролет кон лето на јужната и се паѓа околу 21 декември, но не секогаш на ист датум (во 2023 ќе биде на 22 декември).
Зимската краткоденица, позната и како декемвриска краткоденица, е астрономски настан кој се заснова на навалувањето на Земјата подалеку од Сонцето. Тоа се случува кога наклонот на Северниот пол е поставен најдалеку од Сонцето, предизвикувајќи помалку светлина да стигне до северната половина на нашата планета.
Денот денеска ќе трае 9 часа и 8 минути. Сонцето во Скопје изгреа во 6 часот и 57 минути, а ќе зајде во 16 часот и 5 минути. Од утре денот всушност полека ќе почне да се зголемува. Месечината, која е во фаза на полна Месечина, ќе изгрее во 17:55, а ќе зајде во 8:56 утре сабајле.
Краткоденицата кај некои народи претставува и празник. Старите Римјани го празнувале Сол инвиктус, Келтите празникот го нарекувале Јуле Лог, додека Персијците Јалда. Во Индија денеска се прзанува Макара Санкранти, Кинезите го прославуваат Дончи, а Јапонците гаат традиција на денешен ден да се бањаат во јузи топла бања.
Зимата ќе трае до 20 март кога во 10:37 ќе настапи пролетта.