Според првичните бројки што ги објави Државната изборна комисија на својата веб страница, во трката за градоначлалник на Град Скопје води кандидатот на СДСМ Петре Шилегов, пред независната кандидатка, поддржана од ВМРО-ДПМНЕ Данела Арсовска.
До 22:40 часот во системот на ДИК се обработени податоци од општините Сарај, Центар, Карпош, Чаир, Кисела Вода и Гази Баба, кои покажуваат дека Шилегов има 37,59% од гласовите, додека Арсовска 34,15%, по што следи Арбен Шаќири од ЛДП/ДОМ – 5,66%, Перо Георгиевски од Левица – 4,85%, Ана Петровска од Зелен хуман град – 3,41% и Александар Тортевски од Твоја партија – 1,18%, додека останатите кандидати се под еден процент.
