Објавен е трејлерот за Killers of the Flower Moon, новиот филм на Мартин Скорсезе со Леонардо Дикаприо и Роберт де Ниро во главните улоги.
Двајцата актери не играле заедно во филм од This Boy's Life (1993), откако почна нивното пријателство што трае веќе 30 години.
Базиран на бестселерот Killers of the Flower Moon: The Osage Murders and the Birth of the FBI на Дејвид Гран, Killers of the Flower Moon е филм чие дејство е сместено во Оклахома во 20-тите години на 20 век и го опфаќа сериското убивање на припадници на домородниот народ Osage Nation, низа брутални убиства што останаа познати како Reign of Terror.
Во филмот, за кој сценариото го напишаа Скорсезе и Ерик Рот, покрај Дикаприо и Де Ниро играат и Лили Гледстоун, Џеси Племонс, Танту Кардинал, Кара Џејд Мајерс, ЏаНеј Колинс и Џилијан Дион.
Killers of the Flower Moon ќе има кинопремиера на 6 октомври.
