Димитриевски: Да покажеме дека она во Манчестер не беше вистинска слика за нас

Филип Здравески
/ 20.11.2023 / 12:56

Македонскиот голман вечерва повторно ќе се соочи со голгетерски расположените Англичани, кои во Манчестер дури седум пати ја тресеа неговата мрежа.

Англија покажа дека е најсилната репрезентација во нашата група. Двапати ја победи Италија, а киксираше само еднаш, играјќи нерешено како гостин против Украина. Згора на тоа во јуни на Македонија ѝ го нанесе најтешкиот пораз во историја - 7:0 на „Олд Трафорд“ во Манчестер.

Македонската единица, Столе Димитриевски, се надева дека вечерва „Рисовите“ ќе покажат дека она во Манчестер беше нереална слика за македонската репрезентација.

„Одигравме навистина многу тежок натпревар со Англија на 'Олд Трафорд'. Резултатот не беше реален со оглед на нашиот квалитет, но тоа е фудбал, се случуваат и такви работи. Научивме многу од тој натпревар, сега ни следува нов, на кој треба да покажеме и докажеме дека тоа не беше вистинската слика за нас. Играме пред нашата публика, треба да го дадеме максимумот, да одиграме одличен натпревар и да се покажеме во вистинско светло“, рече тој на прес-конференцијата.

Предупреди дека Македонија има смена на генерациите и новите играчи сѐ уште се воигруваат со оние постарите.

„Сепак, ние сме една репрезентација која има доста нови играчи, во дефанзивата и сите редови. Потребно е време за да се запознаеме и ускладиме, да одиграме заедно натпревари, тоа е факт. Мора многу подобро да работиме, цел тим во дефанзива, не само јас или одбраната. Треба да сме пофокусирани бидејќи примаме доста голови поради ситни детали кои се пресудни. По овој натпревар ни следат четири пријателски, за да се подготвиме за Лигата на нациите“.

Димитриевски бранеше на 6 од седумте досегашни натпревари во овие квалификации, но за негова несреќа Македонија заедно со Млата е убедливо најлоша во групата кога станува збор за бројот на примени голови - ние примивме 19, а Малтежаните 20. Сите 19 паднаа во мрежата кога бранеше Димитриевски.

 „Лошо се чувствувам, да бидам искрен, но ние сме една репрезентација која има нови играчи во сите линии. Потребно ни е време да се запознаеме, да собереме поголемо искуство на репрезентативно ниво. Мораме да работиме многу подобро цел тим, не само јас или одбраната. Во нападот имаме одлични играчи, додека во одбраната мораме да бидеме повеќе фокусирани бидејќи примаме многу голови од детали за кои сме виновни ние самите. Се надевам тој процес ќе помине и потоа да се покажеме во вистинско светло во Лигата на нации“, додаде тој.

По бројот на примени голови Македонија веќе ги игра најлошите квалификации за едно Европско првенство. Претходно најмногу примени голови имаше во оние за ЕУРО 1996 и ЕУРО 2016 - по 18. Општо земено, најлоши ни се оние за Мундијалот 2006 кога примивме дури 24 голови. Нова катастрофа против Англија би можела да го урне и тој рекорд.

Димитриевски се надева дека не само што тоа нема да се случи, туку можеби и првпат во овие квалификации да ја зачува мрежата незатресена. Македонија тоа го направи еднаш, кај Малта на гости, но тогаш на голот беше резервата Дамјан Шишковски бидејќи Столе имаше проблеми со грбот.

„Се чувствувам многу добро, во добра форма сум, против Реал Мадрид одиграв одличен натпревар, но сега сум во репрезентацијата и настапите за клубот се зад мене. Сега верувам дека со помош на фудбалерите можеме да останеме со чиста мрежа и против репрезентација како Англија, што би бил голем резултат за нас. Очекувам да се покажаме во вистинско светло. Како и секогаш да дадеме сѐ од себе и да одиграме на високо ниво за на добар начин да ги завршиме овие квалификации“.

Стадионот е распродаден, Македонија и Англија ќе играат пред околу 30 илјади публика (во зависност од тоа колку англиски навивачи ќе има со оглед на тоа што цел Исток е резервиран за нив).

„Очекуваме одличен спекал, ќе го дадеме максимумот, иако пред три дена одигравме еден тежок натпревар. Но, денешниот фудбал е таков и тоа не е изговор. Мораме секогаш да бидеме на највисоко ниво“, заврши Столе.

Натпреварот вечерва на Националната арена „Тодор Проески“ е со почеток во 20:45 часот, а ФФМ апелираше навивачите да дојдат со време оти во 20:15 вратите ќе се затворат и влез нема да биде можен.

Тревникот на Арената никогаш подобар - Македонија и Англија ќе играат во одлични услови

реклама

Чистка во Грција: Панично се собираат чадори и маси од плажите

Read more

Убиен 31-годишен припадник на АРМ по приватна расправија

Read more

Земјотрес во Скопје

Read more

По 14 години изградба Путин го отвори автопатот меѓу Москва и Санкт Петербург

Read more

Фудбал

Модриќ стана капитен на Реал

Read more

Зошто Кристијано Роналдо нема ниту една тетоважа на телото?

Read more

Крај на американската авантура: Кјелини го напушти Лос Анџелес, се враќа во Италија

Read more

Енцо Фернандес се извини за навредите кон Африканците што играат за Франција

Read more
 

Спорт

Модриќ стана капитен на Реал

Читај повеќе
  • play_arrow

Зошто Кристијано Роналдо нема ниту една тетоважа на телото?

Читај повеќе

Крај на американската авантура: Кјелини го напушти Лос Анџелес, се враќа во Италија

Читај повеќе
  • play_arrow

Енцо Фернандес се извини за навредите кон Африканците што играат за Франција

Читај повеќе

Клинсман бара да се укине правилото за пет измени

Читај повеќе

Тадиќ поради лошиот однос со Пикси повеќе нема да игра за Србија

Читај повеќе
  • play_arrow

Невидена снимка: Што му рекол Хабиб на Конор додека го давеше во познатата борба?

Читај повеќе

Како Барселона ќе се збогати поради повредите на своите играчи?

Читај повеќе
  • play_arrow

Голот на Јамал ​​е најубав на ЕУРО 2024

Читај повеќе