Објавен е првиот трејлер за новиот римејк на Disney, акциониот филм „Mulan“. Трејлерот нуди прв поглед во фасцинантната кинематографија и костимите, возбудливите сцени со Мулан и открива интересни детали за дејството.
Семејството ѝ соопштува на Мулан (Лиу Јифеи) дека имаат најдено соодветен сопруг за неа. Но, во меѓувреме избива војна и нејзиниот татко не може да се бори, па Мулан преправена во маж го зазема неговото место во кинеската војска.
„Мојата должност е да се борам“, вели Мулан при крајот на трејлерот.
Филмот отсликува епска авантура на бестрашна млада жена која маскирана како маж се бори против непријателските сили. Таа е најстарата ќерка на почитуван воин и оди по неговите стапки. Кога императорот ќе издаде декрет според кој еден маж од секое семејство мора да служи во армијата, Мулан го зазема неговото мести и станува најдобриот воин.
Режисер на филмот е Ники Каро, а улогите ги толкуваат Лиу Јифеи, Дони Јен, Џејсон Скот Ли, Гонг Ли и Џет Ли.
Премиерата е закажана за 27 март 2020 година.