За тоа како доматите да ги одржувате свежи што е можно подолго зависи од самите домати.
Сите сакаме купениот домат да биде свеж и сладок што подолго, без разлика на начинот на кој го подготвувате и со кои јадења. За да го постигнете тоа и да го одржите свеж што е можно подолго, важен е начинот на чување.
Доколку доматот сѐ уште не е зрел, најдобро е да го чувате неколку дена додека не зрее, а потоа да го подготвите. Зрелите домати можат да останат свежи во фрижидер околу две недели.
Можете да ги чувате доматите во фрижидер, но важно е да се земе предвид зрелоста на доматите. Ладењето го прекинува процесот на зреење. Ако ставите незрели домати во фрижидер, тие ќе останат такви. Доколку сте купиле презреани домати, задолжително ставете ги во фрижидер за да се забави расипувањето.
Ако имате повеќе зрели домати, а не сакате да ги користите сите, оставете ги да се исушат, извадете ги стебленцата и замрзнете ги во сад или кеса за замрзнување. Кога ќе посакате да ги користите, само ставете ги замрзнатите домати во сад со млака вода. По неколку минути во водата лесно ќе можете да ја излупите кората. Во тој случај најдобро е да ги користите за варени јадења како сос.
