Летните горештини носат изгореници, топлотни удари и испотени ноќи, а покрај тоа се јавува и надуеност која предизвикува непријатни болки. Сепак, постојат два пијалака кои ќе ви помогнат со овој проблем, а ги има речиси во секој маркет.
Како една од причините за надуеност во летните денови се наведуваат ладните пијалаци што ги консумираме за да се разладиме. Сепак, нутриционистката Памела Мејсон од Tea Advisory Panel истакнува дека има и други фактори што влијаат на надуеноста во текот на летото.
Таа наведува дека топлината предизвикува проширување на крвните садови и капиларите, овозможувајќи повеќе течност да ги пополни меѓуклеточните простори помеѓу органите и ткивата. Потоа, има некои истражувања што покажуваат дека потоплото време може да го промени балансот на бактериите во цревата, што може да доведе до проблеми со варењето.
Посочува дека има решение за оваа непријатна ситуација и тоа со консумирање црн чај и чај од ѓумбир. Топол чај можеби не изгледа како идеална опција за летните денови, но Мејсон вели дека флавоноидите во црниот чај можат да го намалат воспалението во цревата.
Овие чаеви исто така можат да ја регулираат микробиолошката мешавина во цревата, намалувајќи ги штетните бактерии и зголемувајќи ги корисните. Покрај тоа, оваа нутриционистка предложи да јадете храна богата со растителни влакна и да вклучите редовна физичка активност за да се ослободите од надуеноста.