По историското едногласно гласање на Комитетот за правни прашања, Европскиот парламент во средата, на 29 март, даде поддршка за вклучување на „екоцидот“ во ревидираната директива на ЕУ за злосторства против животната средина, соопшти организацијата STOP ECOCIDE.
Претходно, Комитетот за правни прашања на Европскиот парламент едногласно гласаше најсериозните еколошки злосторства - нашироко познати како „екоцид“ - да бидат казниви според законите на ЕУ.
Во средата, на 29 април, на месечната пленарна сесија, Европскиот парламент официјално ја изрази својата поддршка за вклучување на кривични дела на ниво на екоцид во ревидираната Директива на Европската Унија за заштита на животната средина преку кривичното право. Споменатата директива директно ќе влијае на правните системи на државите членки, доколку биде изгласана во април годинава од Европскиот парламент.
„Многу е охрабрувачки што Европскиот парламент сериозно го сфаќа концептот на екоцид. Како и со геноцидот и злосторствата против човештвото во 1945 година, глобалната заедница денес се соочува со нов тип на закана: сериозна и широко распространета или долгорочна штета на животната средина, вид кој ги прекршува постоечките законски обврски и одговара на новонастанатиот концепт на екоцид. Ова е најважниот прв чекор, бидејќи ЕУ се обидува да одигра водечка улога во водењето на регионот и светот во подобра еколошка иднина“, рече професорот Филип Сендс. К.Ц., меѓународен адвокат и автор, копретседател на Независната експертска група за правна дефиниција на екоцидот.
„Ситуацијата со животната средина во светот е критична. Потребна е нова легислатива. Европскиот парламент ја разбира сериозноста на ситуацијата, што ја покажа со тоа што ги обврза земјите-членки да го признаат екоцидот. Секоја земја-членка сега мора да одлучи каде стои. Ние веруваме дека е можна поинаква Европа. Ваквиот став на Европскиот парламент е доказ дека борбата на Зелените се исплатеше. Ќе направиме се за да ја консолидираме оваа победа и да биде ефективна. Екоцидот е суштинска и револуционерна правна алатка за заштита на животната средина“, коментира Мари Тусен, европратеничка (Зелени/ЕФА).
„Навремено и соодветно е Европскиот парламент да го поддржи вклучувањето на злосторствата на ниво на екоцид во ревидираната Директива за заштита на животната средина преку кривичното право; Му честитаме на Собранието на најавената поддршка и веруваме дека ваквиот чекор може да навести историска пресвртница во нашиот однос со Земјата. Денес, Европскиот парламент покажа лидерство, предвидливост и навистина солидарност со многуте ранливи нации и заедници кои ги трпат веќе настанатите последици од екоцидот. Веруваме дека сите агенции на ЕУ ќе го препознаат овој текст како подарок и ќе го поздрават во законодавството на ЕУ“, коментира Џојо Мехта, извршен директор, Stop Ecocide International.
Организацијата додава дека предложениот текст користи дефиниција за екоцид која е многу слична со меѓународната дефиниција за екоцид (јуни 2021 година) предложена од Независниот експертски комитет (IEP) свикан од фондацијата Stop Ecocide. Вклучена е специфична дефиниција за „најтешките злосторства“, земајќи ги предвид условите на штета што се користат во нацрт-ИОП: „сериозни и/или широко распространети или долготрајни или неповратни“ (со соодветни дефиниции за тие термини, исто така, внимателно следејќи ги тие употребени во нацртот на ИОП). Предлогот ги упатува земјите-членки да обезбедат дека најтешките злосторства на екоцид се соодветно санкционирани во нивните правни системи.
Зборот „екоцид“ посебно се користи во преамбулата на предложената директива, каде што е поврзан со истите описи на сериозна и/или широко распространета или долготрајна или неповратна штета.
Ова е првпат ваква правна дефиниција да биде вклучена во законодавен текст на европско ниво. Последната фаза за конечно да се признае „екоцидот“ во европското право ќе биде договорот на Европскиот совет и Европската комисија за предложеното мислење на Парламентот. Во текот на следните месеци, претставници од секоја од трите институции ќе учествуваат на консултации познати како „трилогни“ преговори.
Признавањето на „екоцидот“ на ниво на Европската Унија би било од глобално значење: сите земји-членки на ЕУ би биле обврзани да го вклучат ова ново кривично дело во нивното домашно законодавство, а државите на ЕУ би сочинуваат над 20% од земјите-членки на Меѓународниот кривичен суд, што би бил одлучувачки чекор кон меѓународното признавање на кривичното дело „екоцид“, заклучуваат во соопштението.