Европската Унија подготвува нов модел за управување со пандемијата на коронавирус за патување, што значи напуштање на пристапот „географска област на потекло на патниците“ и надминување на системот на мапи за зараза што би останале „само за информации“, објави АНСА, цитирајќи извори во италијанската влада.
Ограничувањата повеќе нема да се однесуваат на областа од каде доаѓаат патниците, туку на нивниот епидемиолошки статус - потврда за вакцинација, прележан ковид или негативен тест.
За важноста на ПЦР тестовите услов останува најмногу 72 часа, а за брзите антигенски тестови од 24 до 48 часа.
Новиот модел за управување со пандемијата би ја земал предвид деветмесечната важност на зелената ковид пропусница, но по истекот на важноста за целосно вакцинираните и оние кои ја примиле третата доза, одлуките ќе се носат „врз основа на проценки“.
Времетраењето на пропусницата ќе се скрати од девет на шест месеци од 1 февруари, а тој рок може да биде проблем за оние кои поминале шест месеци од бустер дозата, бидејќи сѐ уште нема официјални опции за четвртата доза, според АНСА.
Според ажурираните правила, патниците кои имаат валиден сертификат за вакцинација против ковид нема да бидат подложени на дополнително тестирање или услови за самоизолација.
Сепак, врз основа на податоците од Европскиот центар за превенција и контрола на болести (ECDC), земјите сепак би можеле да воведат дополнителни мерки за патниците од териториите вклучени во темноцрвената категорија, која се состои од земји длабоко погодени од коронавирусот.
Боите на мапата на ECDC ја откриваат здравствената ризична ситуација на короната, земајќи ги предвид стапките на инфекција и тестирањата во други земји, пишува Schengenvisainfo.com.
По предложените измени, мапата ќе ги земе предвид и стапките на вакцинација во другите земји.
Во таа насока, еден дипломат од ЕУ нагласи дека сѐ уште се разговара за предложените измени на картата.
Новиот план следи по предлогот на Комисијата од ноември минатата година за преземање „пристап заснован на личност“ за патување во земјите на ЕУ, што значи дека луѓето со сертификат за вакцинација против ковид, во принцип, не треба да бидат предмет на дополнителни ограничувања за патување, без разлика од каде доаѓаат во ЕУ“.
