Швајцарскиот стратег верува дека неговиот тим е оштетен со непостоечки пенал со кој Лацио дојде до бод во Дортмунд.
Борусија синоќа поведе со голот на Рафаел Герејру на минута пред паузата, но во 67. минута Чиро Имобиле израмни со гол од белата точка. Главниот судија оцени дека Нико Шулц стартувал недозволено над Сергеј Милинковиќ-Савиќ, а од ВАР не реагираа со поинакво мислење.
На таквата одлука е бесен домашниот тренер Лусјан Фавр кој дури и го обвини српскиот фудбалер дека одглумил пенал како како се фрла во базен.
„Имавме шанси за втор гол, а потоа примивме гол од непотребен пенал, кој не ни постоеше“, рече Фавр.
„Неверојатно е. Ова е театар, па тој се однесуваше како да се фрла во базен. Претера. Како и да е, се пласиравме во наредната фаза. Тоа најважното“.
На коло до крајот Борусија има 10 бодови, еден повеќе од Лацио и три од Бриж, но си го завери пласманот во осминафиналето бидејќи во последното коло игра со елиминираниот Зенит, додека Лацио и Бриж меѓусебе ќе решаваат кој ќе биде вториот патник. Згора на тоа, Борусија има и подобар меѓусебен скор со Бриж.