Night City бара нови жители, па дури и привремени за само неколку часа.
CD Projekt Red ќе им овозможи на корисниците на конзолите PlayStation 5 и Xbox Series X/S бесплатно да ја пробаат игрицата „Cyberpunk 2077“ за време на католичкиот Велигден.
Гејмерите ќе можат да ја играат игрицата до 5 часа, од 28 март до 1 април. Претплатниците на PlayStation Plus Premium ќе имаат 5 часа бесплатен пристап до основната игра, но и оние што не се претплатници ќе можат да ја пробаат.
За вештите играчи, 5 часа може да бидат доволни за да ја поминат клучната мисија Weeping Girl близу крајот на првиот чин. Сепак, тука приказната навистина се отвора, па програмерите се надеваат дека ова ќе ги поттикне гејмерите да ја купат игрицата.
Како што знаете, „Cyberpunk 2077“ имаше катастрофално деби во 2020 година, беше во толку лоша состојба што Sony го повлече од PlayStation Store и понуди враќање на парите. Сепак, игрицата деновиве е во многу подобра форма. Тука е и експанзијата „Phantom Liberty“, односно ажурирањето 2.0 кое ремонтира некои од клучните системи. Во текот на Велигденскиот викенд новопечените играчи ќе можат сè да пробаат бесплатно.
