Необична сцена видовме на вчерашниот натпревар од 2.Бундеслига меѓу Карлсруе и Дармштад, а во главна улога беа судијата Александер Затер и домашниот играч Паул Небел.
Главниот судија на натпреварот, Затер, досуди офсајд во 25. минута. Почна да ја крева раката и во тој момент Небел истрча покрај него. Играчот од средниот ред на Карлсруе беше невнимателен и Затер го нокаутираше со ненамерен лакт.
За среќа на Небел, тој остана неповреден и по укажаната лекарска помош ја продолжи играта. Ситуацијата можете да ја видите во 58. секунда од извештајот за натпреварот.
Инаку, натпреварот по пресврт заврши со победа на гостите. Карлсруе поведе во 19. минута преку Шлојзенер, а во 49-тата Фајфер израмни на 1:1. Конечните 2:1 за Дармштад ги постави Тиц на две минути пред крајот за големото славје на гостите.