Првиот тенисер во светот продолжи да руши рекорди.
Последниот рекорд го постигна на Мастерсот во Париз и го надмина неговиот голем ривал Роџер Федерер.
На српскиот ас победата над Мартин Фучович му беше 418. во кариерата на првото место, а сега има една повеќе од Швајцарецот.
Зад него се Џими Конорс со 390, Иван Лендл со 366, Пит Сампрас 322 и Рафаел Надал со 250.
Ѓоковиќ има шанса дополнително да го „зајакне“ рекордот бидејќи во третото коло ќе игра со Гаел Монфис.
Новак го држи рекордот и по бројот на недели на првото место и сега е веќе 345. недела на врвот, 35 недели повеќе од Федерер.
