Голем пожар во атарот на село Чашка, Општина Ѓорче Петров зафати борова и друга шума.
Во гаснење на пожарот се вклучени екипи на противпожарната единица Скопје, од полициската станица Ѓорче Петров, вработени од ЈП „Македонски шуми“, како и вработени од комуналните единици од општината.
Во моментов во гаснење на пожарот се вклучени и авиони за гаснење пожари – канадери, кои се обидуваат од воздух да го изгаснат пожарот, кој често го менува правецот на движење поради ветерот.
Сите екипи излезени на терен се обидуваат да го локализираат пожарот, но поради променливиот ветер огнената стихија се појавува и на други места.
Првите дојави за пожарот стигнаа до надлежните органи околу 12 часот.