Голманот на Њукасл, Ник Поуп, требаше да паузира „околу четири месеци“ поради изместување на левото рамо кое ќе бара операција, соопшти денеска неговиот менаџер Еди Хау.
„Поуп има уште тестови што треба да ги направи, но очекуваме да оди на операција, му треба операција, нема сомнеж во тоа“, рече Хау на прес-конференција. „Некое време ќе биде недостапен, мислиме околку четири месеци“, додаде тој и истакна дека тоа е „голем удар“ за тимот.
Поуп го измести рамото за време на саботната лигашка победа над Манчестер Јунајтед со 1-0.
„Очигледно е дека неговиот дух е засегнат, особено затоа што Њукасл има големи натпревари во Премиер лигата и Лигата на шампионите“, продолжи Хау. „Очигледно тој го има на ум и ЕУРО, тој беше решен да се обиде да биде таму“.
Англиските медиуми пишуваат за интересот на Њукасл за Арон Рамсдејл, сега втор голман на Арсенал и Давид де Хеа, кому во моментов му истекува договорот.
Њукасл го зазема шестото место на табелата во пресрет на 15. коло од англискиот шампионат во кое во четврток (20.30 часот) во Ливерпул гостува кај Евертон.
