Дали некогаш сте размислувале да се забавувате со некој 20 години постар? Или можеби 15 години помлад? Според експертите, доколку барате партнер преку апликација за запознавање, годинава многу почесто ќе ви бидат понудени значително постари или значително помлади луѓе.
Апликацијата за запознавање Bumble, врз основа на одговорите од 25.000 сингл луѓе, предвидува дека „big age gap“, или големиот јаз во возраста, ќе биде вистински тренд во 2024 година.
„Слободните повеќе нема да бараат совршени партнери и да внимаваат на временските рамки и ќе ја ценат емоционалната ранливост, самоприфаќањето и заедничките приоритети со партнерот“, вели Bumble.
Значи, која е идеалната разлика за да функционира врската? Според психотерапевтот и автор на „Retroactive Jealousy, Making Sense of It“, Тоби Ингам, не постои такво нешто како совршена разлика во возраста.
„Некогаш постоеше непишано правило дека ја намалувате возраста на половина и додавате 7; а тоа е идеална возраст за партнерот; ако сакате помлади луѓе. Сепак, тоа сега е веројатно застарено. Мислам дека порано беше поважно за луѓето нивните партнери да бидат на иста возраст или барем да припаѓаат на иста генерација, затоа што на тој начин споделуваат повеќе, но во поново, модерно време тоа е сѐ помалку важно и младите повеќе не се оптоваруваат со тоа. Возраста е помалку важна отколку кај претходните генерации, а квалитетот на нивната врска е нивен приоритет“, вели тој.
Иако романсите со разлика во години стануваат сѐ почести и затоа се понормални, сепак некои крајности успеваат да изненадат.
