Google продолжи да објавува реклами под хаштагот #BestPhonesForever, најавувајќи дека претстојните телефони Pixel 8 и Pixel 8 Pro ќе бидат „одлични и полни со AI технологија“.
Google има намера да претстави два нови смартфони на 4 октомври, а новото видео ги прикажува iPhone 15 Pro или Pro Max заедно со Pixel.
Според Google, iPhone во споредба со неговиот претходник има само различно копче за исклучување звук, подинамичен модул за камера и нова порта за полнење, а поради тоа паметниот телефон на Apple е „исплашен“ бидејќи Pixel 8 Pro би можел да биде поиновативен и да добие „најдобрата вештачка интелигенција“, што и да значи тоа.
Затоа iPhone 15 се „плаши“ да ги спореди дизајнот, камерата и технологијата за вештачка интелигенција откако Pixel 8 ќе се појави на пазарот.
