Грета го истрола Тејт: Така ти е кога не рециклираш

Инфлуенсерот Ендрју Тејт беше уапсен вчера во Романија.

Тој е осомничен за трговија со луѓе, силување и формирање организирана криминална група. Тејт, заедно со неговиот брат Тристан и уште двајца романски осомничени, ќе бидат притворени 24 часа, се вели во соопштението на обвинителите од единицата за организиран криминал по претресот во нивниот дом во Букурешт.

Тејт на сите случајно им откри каде се наоѓа бидејќи во кадар на видео во кое ја исмејува Грета Тунберг, имаше кутија за пица што се продава во околината на Букурешт.

Со оглед на тоа дека видеото во кое се исмева со Грета го чинеше слободата, активистката за животна средина квалитетно го истрола Тејт преку Twitter.

„Така ти е кога не ги рециклирате кутиите за пица“, напиша таа.