Наскоро ќе биде лансиран телефонот Honor X40 GT, кој ќе се одликува со интересни карактеристики.
За почеток, телефонот ќе се напојува од чипсетот Snapdragon 888. Сепак, она што се издвојува е напредната технологија за ладење за подобрени перформанси.
Таа технологија вклучува 13 различни слоеви кои гарантираат оптимални перформанси на долг период. Парната комора на телефонот ќе има вкупна површина од 4.000 квадратни милиметри, според Honor.
Honor X40 GT ќе биде третиот телефон во линијата X40 уреди од средната класа на компанијата и е наменет за корисници кои сакаат максимални перформанси.
Покрај горенаведеното, телефонот ќе има стапка на освежување на екранот од 144 Hz и дијагонала на дисплејот од 6,81 инчи.
Исто така, ќе може да поддржува 115,07 fps за 60 минути играње MOBA игри, како што е Arena of Valor, сето тоа без промена на температурата на уредот.
