Фановите на игрици кои се засноваат на борби годинава можат да бидат задоволни со претстојните „Street Fighter 6“, „Mortal Kombat I“ и „Guilty Gear Strive“, а на почетокот од наредната ги чека уште едно големо име.
Компанијата Bandai Namco на Gamescom 2023 го најави излегувањето на игрицата „Tekken 8“, која од 26 јануари ќе биде достапна за PC, PlayStation 5, Xbox Series X и S. Преднарачките веќе се примаат.
Станува збор за десеттиот наслов на легендарната серија кој ќе вклучува 32 уникатни борачи меѓу кои е и добро познатиот Кинг. Најновиот трејлер открива дека оваа игрица означува почеток на нова Tekken сага во која Хеихачи Мишима е мртов.
„Tekken 8“ носи и потполно нов single-player мод под името Arcade Quest. Гејмерите ќе можат да креираат лик, а се чини дека ќе можат да се натпреваруваат и во турнири.