„Инциденти со гранатирање“ се забележани утринава во источна Украина, соопшти ОБСЕ.
Украина тврди дека нападот го иницирале руски сепаратисти, сепаратистите тврдат дека биле нападнати. Украинската армија тврди дека е погодена градинка.
Руското Министерство за одбрана во вторникот соопшти дека некои сили од руските воени области во соседството на Украина се враќаат во своите бази по завршувањето на вежбите и објави видео на кое се гледа како силите наводно го напуштаат Крим како доказ. Соединетите Американски Држави не веруваат во тврдењата на Русија за повлекување на војниците од границата со Украина, а се сомневаат дека Москва дури го зголемила нивниот број за 7.000, изјави неименуван висок функционер од администрацијата на американскиот претседател Џо Бајден.
Украинскиот министер за надворешни работи Дмитро Кулеба рече дека селото Станиција во Луганск било гранатирано со тешко оружје и ги повика другите земји да го осудат нападот.
Белорусија најави дека би можела да го задржи нуклеарното оружје во својата земја во случај земјата да биде под закана од Западот.
Рускиот министер за надворешни работи вели дека со распоредувањето на трупите на НАТО „тој го прави токму истото за што ја обвинува Русија“. „Сериозно сме загрижени поради многу големото, неиспровоцирано и неоправдано акумулирање на војници во и околу Украина и Белорусија“, додаде тој.
„Што мислите за тоа? Знаете, тоа чувство на лична супериорност и лична непогрешливост, според мене, веќе ја премина границата и, за жал, колегите од НАТО едноставно не можат да ја видат таа граница“, вели тој.
Рускиот претседател Владимир Путин би можел да ја влече кризата во Украина со месеци во обид да предизвика обединување на Западот, изјави британската министерка за надворешни работи Лиз Трус.
