Јувентус призна дека идејата за Суперлигата била пораз. Од клубот во четвртокот во вечерните часови објавија соопштение за медиумите во кое официјално го напуштаат проектот...
Оваа изјава продолжува со претходната, од 6 јуни годинава, во која беше кажано дека се разговара со Реал Мадрид и Барселона на тема повлекување од проектот.
Нешто повеќе од еден месец подоцна, Јувентус повторно се огласи и дефинитивно порача дека Суперлигата за нив е минато.
„Следејќи ги тие дискусии и имајќи ги предвид постоечките недоследности во толкувањето на релевантните договорни одредби важечки за проектот Суперлига, Јувентус потврдува дека ја започнал процедурата за излез од проектот, но исто така потврдува дека, според важечките договорни одредби, неговото излегување ќе биде завршено и ќе стапи на сила само доколку претходно е овластено од Реал Мадрид, Барселона и останатите клубови вклучени во проектот Суперлига“, стои во соопштението на клубот од Торино.