Полскиот политичар Јарослав Качињски предизвика бес во јавноста по негова контроверзна изјава поврзана со наталитетот во таа земја.
Качињски изјави дека причина за нискиот наталитет во Полска е тоа што жените пијат, пренесе агенцијата дпа. Левицата претходно најави дека ќе поднесе тужба до етичкиот одбор на парламентот.
Просечниот степен на наталитет во Полска во 2020 година бил 1.4 дете по жена. Во Германија е 1.5, а во Франција 1.8.
„Кога девојките, младите жени би пиеле како нивните врсници до дваесет и петтата година, тогаш веќе не би се раѓале деца“, изјави 73-годишниот политичар.
Качињски тврди дека мажите би ги сметал за алкохоличари ако неумерено пијат 20 години, додека за жените постави параметар од две години.
Според Роберт Бедрон, политичар од опозициската левица, оваа изјава е срамотна.
Оваа изјава ја налути и Ана Левандовска, сопругата на познатиот фудбалер Роберт Левандовски.
„Доста е! Ме лути кога ќе видам дека политичарите неосновано ги обвинуваат жените наместо да решаваат вистински проблеми“, напиша таа на Facebook.
Фитнес тренерката Ева Чодаковска, една од најпознатите инфлуенсерки во Полска, смета дека ова е „врвот на омразата кон жените“.
