Со летните месеци се менуваат и нашите навики, па од тешки зимски обувки преминуваме на поудобни обувки. Меѓутоа, што е со возењето?
![](/sites/default/files/styles/article_image_xxl/public/2024-07/2020-Feature-Article-Slipper-3.jpg?itok=_DPnZMuY)
Многумина се подготвени да возат со влечки апостолки или боси, а тоа не е добро решение за безбедноста во сообраќајот. Со отворени обувки како што се апостолки, влечки или сандали, постои ризик педалата да се заглави помеѓу обувката и стапалото.
Европските автомобилски клубови ги истражуваа сообраќајните правила во земјите и собраа информации за казните за таквото возење.
Во Белгија, Босна и Херцеговина, Данска, Финска, Луксембург нема посебни правила за возење босоног или за обувки за возење. Во Чешка, возачите на патнички возила не се конкретно дефинирани, но возачите на комерцијални возила мора да носат затворени обувки додека возат.
Во Италија нема правила, но има проблем во случај на сообраќајна незгода - ако полицаецот утврди дека сте носеле несоодветни обувки и го евидентира тоа, осигурителната компанија може да ви одбие плаќање.
Во Германија, според законот, возачот мора да направи сè што е можно за да обезбеди безбедно возење. Ова често се толкува како препорака да не се вози бос, во апостолки, сандали и влечки кои не се прицврстени одзади. Казната не е дефинирана, но затоа е можно да се изгуби дел од правата на осигурување - доколку се случи сообраќајна незгода и ако одредена улога во тоа одиграл фактот што возачот немал соодветни обувки.
Во Шпанија е забрането да се вози со апостолки или боси. Казната е 80 евра.
Во Словенија нема експлицитна забрана, а ако полицајците ве фатат како возите со апостолки или боси, само ќе ве предупредат дека треба да носите поцврсти обувки додека возите.
Во Унгарија нема правила, односно не се запишани во законот, но во случај на несреќа возачот може да одговара доколку немал соодветни обувки на нозете.
Во Холандија не постои посебен текст со кој се регулираат обувките, полицијата не може да ве казни ако возите со апостолки, но доколку се случи несреќа се проценуваат сите детали, па можно е обувките да имаат улога и во воспоставувањето вина.
Во Австрија, полицијата исто така нема да ве казни ако возите со апостолки или боси нозе. Меѓутоа, доколку се случи сообраќајна незгода, доколку полицијата утврди дека несреќата можела да се избегне со друг тип на обувки, против возачот може да се поведе постапка.
Во Велика Британија, апостолките и возењето боси не се конкретно наведени, но Законот за безбедност на патиштата наведува дека возачот мора да има обувки што нема да му дозволат да го вози возилото на безбеден начин. Може да ве казнат за тоа.
Во Хрватска исто така нема посебни правила, но бидете внимателни. Истражувањето на Австрискиот авто-клуб покажа дека времето на реакција со апостолки е многу побавно отколку со патики на стапалата, на пример, а и силата на сопирање е послаба. Исто така, постои опасност апостолките да ви се заглават на една од педалите, а во сообраќајот, брзината на реакција е исклучително важна.