Facebook понуди нова алатка која ќе ви го олесни сурфањето на одмор или во непозната околина. Со помош на оваа алатка ќе знаете за сите отворени Wi-Fi интернет мрежи околу вас.
Интернет зависниците ќе можат да се послужат со Find Wi-Fi пред да почнат да кризираат оти немаат интернет. Find Wi-Fi е достапен за корисниците на iPhone како и на Android.
Ова не е отворена мрежа туку мрежа составена од приватни бизниси кои го снабдиле Facebook со информации, но секако ќе ви биде од помош при избирање каде ќе седнете на кафе особено ако се наоѓате во непознат град.
Find Wi-Fi е мошне лесна за користење. Клинкнете Explore во табот More и пронајдете ја опцијата Find Wi-Fi. Апликацијата бара пристап до вашата локација со цел да може да се користи.
Сепак, оваа алатка не може да работи без интернет што ја побива првобитната цел на алатката. Може да ви се најде ако сте во странство и сакате да шетате, па пред да излезете ќе знаете на каде да се движите за побрз update на социјалните мрежи во спротивно, алатката баш и нема логика.
Од Facebook, пак, соопштиле дека новата алатка е создадена токму за местата со слаба интернет покриеност со цел одржување на постабилна интенет конекција и пристап кон дигиталната мрежа каде и да одите.