Модерната технологија користи дизајн кој е компактен, па уредите се изработени од едно парче метал или поликарбонат, а тоа често значи дека имаат и батерија која не можете да ја извадите самостојно. Тоа значи и дека нема да можете да ја извадите кога телефонот ќе се „замрзне" или блокира.
Во вакви случаи, на располагање ви е комбинација на копчиња која активира soft reset, односно ресетирање на телефонот без губење на податоците или бришење на апликациите и другите содржини во меморијата. За секој модел на телефон комбинациите се различни, но постојат само неколку шеми кои ќе ги наброиме за сите три најпопуларни платформи:
Како да одблокирате Android телефон:
- Држете го Power копчето десетина секунди и почекајте уредот да завибрира.
- Држете го Power копчето заедно со Volume Down копчето десетина секунди и почекајте уредот да завибрира.
- Држете го Power копчето заедно со Volume Down копчето десетина секунди и почекајте уредот да завибрира.
- Доколку ништо од ова не му помага на вашиот Android телефон, консултирајте се со упатството или онлајн, или обратете му се на производителот.
Како да одблокирате iPhone:
- Држете го копчето за заклучување на екранот и Home копчето, додека телефонот не завибрира и не се ресетира.
Како да одблокирате Windows Phone/10 телефон:
- Држете го Power копчето 15-тина секунди, додека телефонот не завибрира и не се ресетира.
