Министерството за внатрешни работи во текот на вчерашниот ден спроведе засилена акциска контрола на територијата на државава за санкционирање на возила кои се движат со брзина поголема од дозволената, при што санкционирани се 158 возачи.
Од изречените казни 6 се за возила кои се движеле со брзина над 50 километри на час повеќе од дозволеното, а 3 се движеле со брзина над 70 километри на час повеќе од дозволеното. Притоа, 75 возачи ја пречекориле брзината во населено место, а 83 надвор од населено место.
При засилените акциски контроли во областа на сообраќајот на територијата на Град Скопје синоќа изречени се вкупно 161 санкција, меѓу кои 22 за возење со брзина поголема од дозволената, 14 за управување возило без возачка дозвола и 32 мерки за прекршоци што ги прават возачите на мотоцикл.
Како што информира МВР, изречени се и 10 мерки за користење на мобилен телефон, 23 санкции за возење под дејство на алкохол, пет мерки за технички неисправни возила и нерегистрирани возила, како и осум санкции за минување на црвено светло.
„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заедничким да придонесеме за побезбедни патишта“, наведуваат од МВР.