Неверојатното напаѓачко дуо на Тотенхем скрши рекорд стар повеќе од 25 години.
Хари Кејн и Сон Хјон-мин сега и официјално се најдоброто напаѓачко дуо во една сезона во Премиер лигата.
Дуото на Тотенхем си асистирале еден на друг вкупно 14 пати, рушејќи го претходниот рекорд поставен од страна на напаѓачкиот тандем на Блекбурн во сезоната 1994/95 со Алан Ширер и Крис Сатон.
Единствените двајца кои во новиов милениум стигнаа блиску до овој рекорд беа Рајан Фрејзер и Калум Вилсон кои играјќи за Борнмут забележаа вкупно 12 асистенции во сезоната 2018/19.
Кејн и Сон го престигнаа овој рекорд синоќа кога во 4:1 победата над Кристал Палас додадоа една асистенција. Прво Кејн на двапати му асистираше на Гарет Бејл за првите два гола, третиот беше негов ефектен гол, а историјата се испиша со последниот во 76-тата минута кога Сон му намести на Кејн, а овој го постигна својот 16-ти гол сезонава.
Со оглед на тоа што Тотенхем има уште 11 натпревари за играње сезонава, за очекување е Англичанецот и Кореанецот да го подобрат овој рекорд, за во иднина да биде тешко достиглив.
