Хакери упаднаа во воените Facebook профили на Украина во обид да ги принудат војниците да се предадат, објави компанијата Meta, во чија сопственост е Facebook.
Нападнати се профилите на украинскиот воен персонал, се наведува во најновиот безбедносен извештај на компанијата.
Безбедносни експерти изјавија дека таквите напади ги извршило лице или група луѓе кои ги нарекат Ghostwriter, пишува Independent. Во извештајот од февруари, Meta веќе ги спомна активностите на Ghostwriter, но сега велат дека оттогаш се извршени нови напади.
Хакерите прво ја компромитираат е-поштата, а потоа ги користат мејловите за да се логираат на профилите на социјалната мрежа. Кога хакерите влегле во профилите, објавувале видеа во кои ја повикуваат украинската армија да се предаде, а изгледало како легитимните сопственици на профилите да ги објавуваат.
Independent наведува дека таквите напади се само дел од криминалните активности насочени кон Украина. На Facebook тие забележаа дека некои „финансиски мотивирани актери“ ја користат кризата за да отворат лажни профили и користат други тактики за да профитираат од интересот за вестите од Украина.
Тие ги насочуваат корисниците на други веб-страници или им продаваат лажни производи. Meta соопшти дека хакерите доведоа до безбедносни грижи во другите делови на светот, вклучително и Азербејџан, Јужна Америка, Филипини и Иран.
