Началникот на украинската воена разузнавачка служба Кирило Буданов даде интересно интервју за украинскиот портал „Украинска правда“.
Во интервјуто, тој беше прашан за борбата за моќ во Кремљ, за која се верува дека се одвива во позадина на проблематичната руска инвазија на Украина.
Зборувајќи за можните наследници на Владимир Путин, тој рече дека поранешниот руски претседател Дмитриј Медведев „нема шанси“.
Тој вели дека Дмитриј Патрушев, син на поранешниот шеф на ФСБ, Николај Патрушев, „хипотетички има шанса да ја преземе претседателската функција“.
Сепак, Буданов сугерираше дека Сергеј Кириенко, кој многумина го сметаат за архитект на политиката на Кремљ за анексија на украински територии, сака да го замени Путин. Но, тој нагласи дека првиот заменик началник на кабинетот на Кремљ и поранешен премиер веројатно нема да се обиде да го собори сегашниот лидер со сила.
„Киријенко се гледа себеси во фотелјата. Тој се гледа себеси како наследник во повеќе или помалку мирен трансфер на власта“, рече тој.