Фудбалерот на Манчестер Јунајтед, Кристијано Роналдо, изјави дека ги почитува соиграчите и стручниот штаб и верува дека наскоро ќе се врати во тимот од „Олд Трафорд“.
Роналдо се огласи синоќа на социјалните мрежи, откако клупското раководство претходно одлучи да го отстрани од тимот поради инцидентот за време на натпреварот против Тотенхем, кога португалскиот фудбалер одби да влезе во игра во финишот од клупата за резерви и предвреме го напушти теренот.
-Како и секогаш во мојата кариера, се трудам да живеам и играм, со полно почитување кон соиграчите, противниците и моите тренери. Тоа не е променето. Јас не сум се променил. Јас сум истата личност и професионалец каков што бев и во последните 20 години играње елитен фудбал, порача Роналдо.
