Германскиот играч за врска Тони Крос го продолжи едногодишниот договор со Реал Мадрид и сега има договор до јуни 2024 година, соопшти денеска шпанскиот клуб.
Актуелниот договор на 33-годишниот фудбалер истекува на крајот на месецот.
Крос пристигна во Реал во 2014 година од Баерн и со Кралскиот клуб освои четири ЛШ, три титули во шпанската лига и три шпански купа и пет светски клупски првенства.
Тој беше и светски шампион со германската репрезентација во 2014 година.
Уште пред да дојде во Реал ја освои Лигата на шампионите со Баерн кој од мадридскиот клуб инкасира 25 милиони евра.
До денес за Реал има одиграно 417 натпревари.
Инаку, Крос израсна во младинските селекции на Грајфсвалдер, Росток и Баерн. Пред 16 години беше прекомандуван во првиот тим на Баерн, а пред да замине во Реал играше за Леверкузен.