Нов рекорд на Леброн Џејмс на кого уште малку му фали да го престигне Мајкл Џордан, а веќе е во топ 5 во категоријата на постигнати кошеви од игра.
Лос Анџелес Лејкерс стигнаа до осмата последователна победа откако на гости го совладаа тимот на Сан Антонио Спарс, а фантастична партија имаше Леброн Џејмс со 33 поени и 14 асистенции.
Сан Антонио беше предводен од Ламаркус Олдриџ со 30 поени и 5 скокови кој ги држеше Спарс во игра сѐ до последната четвртина кога Леброн со четири тројки го реши натпреварот.
Покрај тоа, Леброн постави уште еден рекорд во својата брилијантна кариера. Стана петти играч во историјата на НБА со 12 илјади постигнати кошеви од игра. Уште оваа сезона би можел да го престигне легендарниот Мајкл Џордан кој од игра има погодено 12.192 пати.
На листата води убедливо Карим Абдул-Џабар со над 15 илјади реализирани шутови.
Топ 5 НБА стрелци од игра:
1. Карим Абдул-Џабар 15.837
2. Карл Малоун 13.528
3. Вилт Чејмбрлејн 12.681
4. Мајкл Џордан 12.192
5. Леброн Џејмс 12.000
