Ноќеска на терените ширум НБА се одиграа четири натпревари, но не недостигаа возбудувања откако во „ТиДи Гарден“ се одигра најголемото дерби во лигата меѓу Бостон Селтикс и Лос Анџелес Лејкерс.
Изненадувачки, Лејкерс победија со 114:105, иако на нивниот тим му недостасуваа Леброн Џејмс и Ентони Дејвис, кои се повредени.
На крајот фантастичниот Остин Ривс беше промовиран во херој на „Езерџиите“ со 32 поена, додека дабл-дабл ефект имаа Д'Анџело Расел со 16 поени и 14 асистенции и Џексон Хејс со 16 поени и 10 скокови.
Кај Бостон потфрлија апсолутно сите главни ѕвезди, а Џејсон Тејтум беше подобар од останатите со 23 поени, но од поле шутираше 8/21. По 17 поени уфрлија Кристапс Порзињѓис и Сем Хаузер.
Бостон и натаму е убедлив лидер на Истокот, а го запиша 12-тиот пораз, односно само третиот на домашен терен сезонава (загуби и од Денвер Нагетс и Лос Анџелес Клиперс).
Плејмејкерот на Филаделфија 76ерс, Тајрис Макси, го одигра натпреварот на својот живот, постигнувајќи дури 51 поен во победата на неговиот тим над Јута Џез од 127:124. Макси на теренот мина 41 минута, а од поле погоди фантастични 17/27 од кои 7/9 за три поени.
Она што е импресивно е што Макси не загуби ниту една топка во текот на целиот натпревар.
Блескаше и Џејлен Брансон со 40 поени (шут од поле 15/30) во победата на неговиот Њујорк Никс над Индијана Пејсерс од 109:105.
Резултати:
Њујорк Никс - Индијана Пејсерс 109:105
Бостон Селтикс - Лос Анџелес Лејкерс 105:114
Мемфис Гризлис - Кливленд Кавалирс 101:108
Јута Џез - Филаделфија 76ерс 124:127
Табела: