Ноќеска на терените ширум САД се одиграа осум дуели, а единственото изненадување што го видовме беше во Лос Анџелес, каде Лејкерс во голем спектакл го совладаа Милвоки.
Лос Анџелес Лејкерс успеа да го победи Милвоки Бакс со 123:122 во вистинска пресметка помеѓу Д'Анџело Расел од едната и Јанис Адетокунбо и Демиен Лилард од другата страна.
Расел во победата на својот тим забележа 44 поени, 9 асистенции 6 шест скока, а од друга страна на Милвоки не му беа доволни трипл-даблот на Адетокунбо со 34 поени, 14 скока и 12 асистенции и дабл-даблот на Лилард со 28 поени, 12 асистенции и 5 скока.
Токму Расел по симултанката погоди за два поена на 7 секунди до крајот, направи пресврт и донесе победа на Лејкерс.
Лејкерс сега имаат скор од 35-30 и се чини дека се заглавени во разигрувањето на Западот, додека Бакс со 41-23 се трети на Истокот.
Атланта Хокс оствари многу важна победа од 99:92 на гостувањето кај Мемфис Гризлис и со тоа ја продолжи борбата за плеј-офот.
Дежонтеј Мареј беше фантастичен за Хокс со 41 поен, 7 скока и 6 асистенции, додека Богдан Богдановиќ во истиот тим постигна 16 поени, вклучително и важна тројка на крајот од натпреварот.
Во преостанатите дуели немаше изненадувања. Како гостин Њу Орлеанс беше подобар од Филаделфија, а продолженија се играа на дуелот Кливленд – Минесота (113:104).
Резултати:
Филаделфија 76ерс - Њу Орлеанс Пеликанс 95:103
Вашингтон Визардс - Шарлот Хорнетс 112:100
Кливленд Кавалирс - Минесота Тимбервулвс 113:104 (прод.)
Њујорк Никс - Орландо Меџик 98:74
Мемфис Гризлис - Атланта Хокс 92:99
Оклахома Сити Тандер - Мајами Хит 107:100
Лос Анџелес Лејкерс - Милвоки Бакс 123:122
Портланд Треил Блејзерс - Хјустон Рокитс 107:123
Табела:
