Милвоки Бакс ја запиша петта победа во низа откако ноќеска го победи Сан Антонио Спарс со 132:119.
Демиен Лилард беше доста расположен за поентирање уфрлувајќи 40 поени во кошот на гостите. Реализираше 7 тројки од 12 обиди, имаше 5 од 5 слободни фрлања, а запиша и 3 скока и 4 асистенции. Воедно, ја надмина границата од 20.000 поени во кариерата.
Поддршка имаше од Јанис Адетокунбо, кој поентерски не беше убедлив, но реализираше трипл-дабл со 11 поени, 14 скокови и 16 асистенции.
Расположен беше и Боби Портис со дабл-дабл од 23 поени и 10 скокови, Крис Мидлтон уфрли 17 поени, а Брук Лопес 14.
Кај гостите од Сан Антонио дабл-дабл имаше Келдон Џонсон со 28 поени и 12 скока, Зак Колинс уфрли 22 поена, Девин Васел 17, Тре Џонс 14, Малаки Бренхем 12, охриѓанецот Џеди Осман 10, а Полјакот Џереми Соухан запиша 11 скока.
Резултати:
Њу Орлеанс Пеликанс - Мемфис Гризлис 113:115
Милвоки Бакс - Сан Антонио Спарс 132:119
Голден Стејт Вориорс - Бостон Селтикс 132:126 прод.
Портланд Треил Блејзерс - Феникс Санс 109:104
Табела:
