Ливерпул го објави својот нов гостински дрес за сезоната 2022/2023, земајќи инспирација од музичката денс сцена од 90-тите.
Храбриот дизајн на Nike може да се пофали со „ириден, разнобоен мермерен модел над бела основна боја“, додека на задната страна има „впечатлив блок од бела боја за да се нагласи индивидуалноста на името и бројот на секој играч“.
На задната страна на дресот, исто така, се наоѓа амблемот 97, обвиен со вечниот пламен во спомен на 97-те мажи, жени и деца кои загинаа на „Хилсборо“ на 15 април 1989 година.
Како што велат од клубот, „фудбалот и музиката се кислородот на градот“, кој освен што е дом на овј славен клу е дом и на легендарните „The Beatles“.
Ливерпул воведе и нов фонт за имињата и броевите, за кој велат дека „инспирацијата ја зема од градот, со современ поглед на историските улични знаци“.
Производот е печатен со мастила на база на вода, што го прави поодржлив и е „конструиран со 100% рециклирана полиестерска ткаенина, која е направена од рециклирани пластични шишиња“.
Дресот веќе е достапен за нарачка преку официјалната клупска веб-страница и чини 69,95 фунти.