Една нова студија покажа дека одредени крвни групи имаат помала веројатност да бидат заразени со коронавирус.
Голема студија спроведена на 225.556 Канаѓани откри дека луѓето кои имаат крвна група 0 или Rh- имаат помал ризик од инфекција со коронавирусот SARS-CoV-2.
Меѓу испитаниците кои биле тестирани, ризикот од инфекција бил 12% помал и ризикот од сериозно заболување или смртен исход од COVID-19 е 13% помал кај луѓето кои имале крвна група 0 во споредба со луѓето кои имале крвна група А, Б или АБ, според студијата објавена оваа недела во журналот Annals of Internal Medicine.
Испитаниците од сите крвни групи кои се и Rh-негативни, исто така се донекаде позаштитени, особено ако имале О негативна крвна група. Луѓето од овие крвни групи, исто така, можно е да развиле антитела кои можат да препознаат некој аспект на новиот вирус, изјави за Reuters коавторот на студијата, д-р Џоел Реј.
„Нашата следна студија конкретно ќе ги разгледа ваквите антитела и ќе види дали тие го објаснуваат заштитниот ефект“, рече Реј.
Сè уште не е целосно јасно дали оваа нова информација може да влијае на превенција или терапија за COVID-19.
