Белорускиот претседател и најголем сојузник на Путин, Александар Лукашенко вчера преку видеолинк во живо се обрати до Советот за безбедност. Лукашенко стоеше пред мапа и со стапче го покажуваше планираното движење на трупите и целите во Украина.
Но, Лукашенко можеби случајно откри уште една можна цел на Путин – напад на Молдавија.
Како што се гледа, мапата го прикажува движењето на трупите од Одеса кон крајниот југозапад на Украина и понатаму во Молдавија.
Белорускиот новинар Тадеус Гизан на Twitter објави дека мапата изгледа како реална мапа на инвазија.
„Прикажува воени објекти во Украина уништени со проектили од Белорусија и насоки на нападот. Украина на мапата е поделена во четири сектори“, вели тој додавајќи дека единствено нападот од Одеса кон Молдавија засега е неостварен.
