Русија нуди на Украина апсолутна прифатлива опција за договор, изјави белорускиот претседател Александар Лукашенко.
„Русија ѝ нуди на Украина апсолутна прифатлива верзија на договорот, тоа со сигурност го знам“, изјави Лукашенко, наведувајќи дека сè уште е можно Зеленски да потпише договор со Путин.
„Ако Зеленски одбие, тогаш верувајте ми, за кратко време ќе мора да потпише акт за капитулација“, изјави Лукашенко.
Белорускиот претседател тврди дека „Русија нема да ја изгуби оваа војна“.
„Уверен сум дека овој конфликт, руската операција, наскоро ќе заврши со мир“.
Нагласи дека Западот нема да ја вовлече Белорусија во овој конфликт, пренесе руската новинска агенција ТАСС.
„Уверен сум дека нема да мораме да се бориме со Украина. Западот нема да нè вовлече во овој конфликт“, смета тој.
