Проектантската компанија „ТЕТРАКТИС Кристијан ДООЕЛ“ ја освои Гранд При наградата за проектирање на XII Интернационално биенале за млади архитекти „Леонардо“-2017.
Настанот се одржа во Минск, Белорусија од 9ти до 11ти ноември 2017 година, под покровителство на Белоруската Унија на Архитекти.
Во конкуренција на 120 проекти од 17 земји тие ја добија наградата за проектот „Конзервација, реконструкција и адаптација на црквата „Св. Никола“ во Маврово во категоријата „Пејзажна архитектура, урбан дизајн, монументална уметност и скулптурна архитектура“.
Наградувањето беше под надлежност на Интернационалната Унија на Архитекти (UIA) и Интернационалната Асоцијација на Архитектонски Унии.
Проектот е изработен од Соња Милачиќ, Ана Наумова и Анета Николова под менторство на Кристијан Јорданов. Во техничката реализација на проектот беа вклучени и архитектите Ивана Нацевска, Сања Лилиткин и Тања Врангаловска.
Во интервјуто дадено за белоруските медиуми, Кристијан Јорданов којшто присуствуваше на настанот, изјави дека по ова признание очекува релевантната државна и локална власт да пројави интерес за реализација на овој проект.
Можете да ги следите на нивната фан страна на Facebook: https://www.facebook.com/studiotetraktis/
*Промотивен текст
